Biz  mablag‘laringizning mutlaq saqlanishidan manfaatdormiz va bu haqda  professional tarzda g‘amxo‘rlik qilamiz. Mablag‘laringizni qaytarish yoki  undan faqat maqsadli foydalanish kafolatlanadi.

Ishonchli  bank

Pulingizni  saqlash uchun biz tizimli muhim kredit tashkilotlarining doimiy yangilanib  turuvchi ro‘yxatidagi banklardan birida maxsus hisobvaraq ochamiz. Ushbu  ro‘yxat Rossiya Markaziy Bankining veb-saytida "Kredit tashkilotlari  haqida ma’lumot" bo‘limida joylashtirilgan. Ro‘yxatga aktivlari kamida  ellik milliard rubl bo‘lgan banklar kiritilgan. Bugungi kunda ushbu ro‘yxatda  13 ta kredit tashkiloti mavjud bo‘lib, ular Rossiya bank sektori jami  aktivlarining qariyb 77% ni tashkil qiladi.

Maxsus  hisobvarag‘i

Siz  ushbu hisobvaraqdagi mablag‘larning benefitsiarlari ro‘yxatiga kiritilasiz va  bank hisobvaraqdagi mablag‘lar harakatining biz siz bilan tuzadigan  shartnomaga muvofiqligini nazorat qiladi. Shuning uchun biz bu pullarni o‘z  ehtiyojlarimiz uchun ishlata olmaymiz. Maxsus hisobvaraqning huquqiy rejimi  shundan iboratki, bu hisobvaraqdagi mablag‘lar bankrot bo‘lgan taqdirimizda  ham sizga qaytariladi - kreditorlarimiz sizning pulingizni ishlatishga haqli  bo‘lmaydi.

Mablag‘larni  maqsadli tayinlash

Kreditorlarga  pul faqat kelishuvga erishilgandan keyin va siz ishlab chiqilgan hisob-kitob  dasturini tasdiqlaganingizdan so‘ng to‘lanadi. O‘sha paytgacha siz istalgan  vaqtda to‘plangan mablag‘larni, bankning bu hisobvaraqni yuritish  xarajatlaridan tashqari, to‘liq qaytarib olish huquqiga egasiz. Siz istalgan  vaqtda bizdan hisobingiz holatini so‘rashingiz mumkin.